لا يوجد شيء أفضل بالنسبة للأطفال في المساء من أن تحكي لهم قصة مسلية أو “حدوتة” بطريقة جميلة وبسيطة لكي يدركوا المعاني الموجودة فيها، ولأن القصص القصيرة تعتبر من الوسائل التي تساعد على تعزيز نمو الحس الإبداعي لدى الأطفال في الأعمار المبكرة، لذلك إليكم في السطور التالية حواديت مكتوبة بالعامية.
حواديت مكتوبة بالعامية
قصة الذئب روكي باللهجة العامية
- كان يا مكان في الغابة البعيدة الجميلة ديب طيب أسمه روكي، ومكنش
حد في الغابة بيحب يصاحبو أو حتى يقعد معاه. - وده لأنهم كانوا خايفين منه، كان لما يقرب من الأرانب والسناجب مثلًا
يخافوا ويهربوا منهم بسرعة أحسن ياكلهم. - وعلى الرغم أن الديب روكي كان طيب ومش مؤذي الا أن كان شكله
مخيف بالنسبة لعدد كبير من الحيوانات. - مكنش عنده أي اصحاب في الغابة غير التعلب المكار، وهو كان دايمًا روكي
بيحس أن التعلب عايز يخدعو، وكمان التعلب بيعاملو وحش. - ولكن روكي مكنش عنده أي اختيار غير التعلب لأن محدش تاني في الغابة
بيقعد معاه. - وكان التعلب وروكي دايمًا بيحبو يتقابلو في وسط الغابة ويلعبو لعبتهم المفضلة
وهي أن كل واحد فيهم يسأل سؤال والتاني يجاوب. - وفي مرة التعلب سأل روكي سؤال، ولكن بص ملقاش روكي.
- قعد يدور عليه في الغابة ولكن لاقاه قاعد تحت شجرة وحزين.
- راح سألو التعلب مالك أيه اللي مضايقك.
- قام روكي قالو حاسس أني وحيد ومعنديش اصحاب.
- راح التعلب رد باندهاش “يعني انا مش صاحبك ؟!”.
- رد عليه روكي وقالو “متزعلش يا صاحبي انا بس محتاج اصحاب دايمًا
يبقو معايا وأنت مش بتبقى موجود كل يوم”.
قصة الذئب روكي بالعامية
- راح رد عليه التعلب بأنه هو كمان معندوش اصحاب بس مش مضايق من
الموضوع وبيعمل كل حاجة براحته. - وكمان قال “بس لو أنت عايز أصحاب ممكن تروح المزرعة هتلاقي هناك
حيوانات كتير تصاحبهم ومش هتبقى وحيد”. - فرح روكي وقالو “تمام شكرًا جدًا يا صاحبي من بكرة هنطلق وهروح المزرعة
وأكون صداقات”. - بعدين قال الثعلب وهو بيضحك “لما تاخد ثقتهم ويبقو اصحابك ابقى
قولي أجيلك هناك، علشان سمعت أن في بقر وفراخ هناك طعمهم حلو أوي”. - وفضل التعلب يضحك وروكي مستغرب.
- وصل تاني يوم روكي للمزرعة وكل ما يحاول يكلم حد فيها يجري ويهرب منه.
- لحد ما حكى للديك الكبير اللي في المزرعة قصته وأنه محتاج صحاب.
- راح الكلب بتاع المزرعة قالو أنه محتاج حد يساعدو في الحراسة، وممكن أن روكي يبقي حارس المزرعة معاه.
- ومن ساعتها وروكي عايش في سعادة وبيحرس اصحابو الحيوانات بتوع المزرعة.
الآن قد انتهينا معًا من سرد قصة ممتعة وجميلة، وهي قصة الذئب روكي باللهجة العامية، والتي تجعل الطفل دائمًا يفكر في حلول مختلفة لمشاكله.
